Creada por Carol Twombly en 1989, esta tipografía está inspirada nas inscricións que se atopan talladas na base da columna de Trajano, levantada en Roma en 113 para conmemorar a conquista de Dacia polo emperador Trajano (53-117). Crese que as letras foron escritas primeiro cun pincel e posteriormente talladas na pedra. Twombly rematou a tipografía engadíndolle números e signos de puntuación, ademais dunha versión Bold empregada para resaltar o texto. A súa interpretación dun estilo antigo dou lugar a unha letra clara, dotada dunha gran beleza e elegancia, que funciona moi ben en traballos de exhibición en libros, revistas, carteis e publicidade.

Ligazóns

• Columna de Trajano
  www.artehistoria.com/historia/obras/8179.htm
  A columna de Trajano, fonte de inspiración para a tipografía Trajan. (es)