Gótica deseñada en 1990 por Gottfried Pott para unha serie de tipografías lanzadas por Linotype baixo o título “Tipografías antes de Gutenberg”. Está inspirada nas letras francesas creadas durante os séculos XIII a XVI e coñecidas como “Bastardas”. Estas combinan formas verticais e ríxidas propias da gótica textura con outras fluídas e máis preto da caligrafía humanística. O seu nome, Duque de Berry en francés, débese ás fermosas tipografías creadas durante o século XV baixo o patrocinio de Jean, Duc de Berry (1340 – 1416). Posúe unhas maiúsculas especialmente elegantes que contrastan coas minúsculas moito máis formais.

Ligazóns


Creative Commons License
Esta obra está baixo unha licenza Recoñecemento 2.5 España de Creative Commons.
Páxina web creada por Oscar Otero (oom!)