Esta tipografía, creada por Michael Want e Richard Kegler para o Museo de Arte de Filadelfia, foi publicada pola fundición P22 en 1996 converténdose nunha das súas tipografías máis populares. Está baseada na escritura dun dos artistas franceses máis influen: Paul Cezanne. Os seus trazos soltos reproducen fielmente a caligrafía cursiva do artista. Posúe unha aparencia moi intrigante que desafía os estereotipos da típica tipografía caligráfica resultando moi chamativa e natural. Detalles como a barra alargada do “t” minúsculo ou o gran lazo que forma o “b” fan que sexa unha elección común en moitos deseñadores. Ademais deste alfabeto tamén se desenvolveu a variante Cezanne Sketches (bosquexos) que recrea unha gran variedade de imaxes do traballo de Cezanne. En 2005 e coa colaboración de James Grieshaber, a fundición sacou unha versión revisada, Cezanne Pro, engadíndolle caracteres para máis idiomas, ligaduras, ornamentos e outras figuras moi interesantes.

Ligazóns

• Cezanne Pro, unha tipografía caligráfica Open Type con moitas características
  www.graphic-design.com/Type/p22/cezanne.html
  Artigo editado pola revista Graphic Design referente á tipografía Cezanne Pro. (en)
• P22 Cezanne Pro: P22 anuncia esta nova e mellorada versión da súa popular Cezanne.
  brainstormsandraves.com/archives/2005/05/26/cezanne/
  (en)