Deseñada en 2004 por Microsoft, trátase dunha tipografía monoespazada pensada exclusivamente para programación. Optimizada para a tecnoloxía ClearType que permite unha mellor lectura en pantallas TFT, a Consolas resulta moi efectiva reducindo o cansazo dos ollos ao estar moito tempo diante do monitor. De feito, moitos programadores e desarrolladores web considerana como a mellor opción existente. Resulta máis económica en espazo que outras tipografías similares como a Courier aínda que debido a posuír unha menor altura do “x” pode ser preferible aumentar lixeiramente o tamaño. Forma parte do novo paquete de seis tipografías que acompañan ao sistema operativo Windows Vista: Cambria, Constantia, Corbel, Candara, Calibri e Consolas; todas comezan pola letra “C” para facilitar a súa busca nos menús dos distintos programas.

Ligazóns

• ClearType Font Collection
  http://www.microsoft.com/typography/ClearTypeFonts.mspx
  Exemplo e descargas das tipografías que Microsoft sacou co sistema operativo Windows Vista e Office 2007 e que aproveitan a tecnoloxía de renderizado ClearType. (en)