Creada por Pia Frauss en 2005, trátase dunha homaxe á gran novelista británica Jane Austen. Aínda que está baseada na súa escritura manual, non é exactamente igual debido ás numerosas variacións na caligrafía orixinal de Jane Austen como por exemplo a progresiva disminución das letras ao escribir, a distinta unión dos caracteres segundo a súa posición, os signos de puntuación, moi alonxados da súa corresponente letra ou os distintos trazos dependentes da cantidade de tinta na pluma. O que fixo Pia Frauss foi crear unha tipografía intermedia de todas estas variacións. A caligrafía de Jane Austen era bastante peculiar con algunhas letras como o “x” totalmente ilexibles e de vez en cando ennegrecía letras como o “o” ou o “e”, o que algúns interpretaban un segredo agochado e mensaxes ocultas ainda que outros din que solo eran accidentes e que non estan feitos intencionadamente. Nesta tipografía, Pia Frauss introduxo algunhas peculiaridades como a palabra “the” no caracter numeral “#”, un “Z” alternativo no símbolo do dólar, un “C” alternativo no caracter de sección “§”, a terminación “ing” no caracter “+”, o “ds” no canto do signo “=” e outras sorpresas máis. Pódese descargar gratuítamente sempre que sexa para uso privado. Para aplicacións comerciais débese pedir permiso antes.

Ligazóns

• Jane Austen
  en.wikipedia.org/wiki/Jane_Austen
  Biografía desta destacada novelista británica (en)