Esta tipografía foi deseñada no ano 1925 por Rudolf Koch, notable calígrafo, deseñador e artista, para a fundición Klingspor Bros en Offenbach, Alemaña, e da que Koch era o principal deseñador. O seu nome foi posto na honra dun dos donos da fundición. Tamén coñecida como Wilhelm Klingspor Schrift, esta é unha das mellores e máis lexibles tipografías góticas, un dos exemplos existentes máis finos deste estilo, cunhas maiúsculas e minúsculas moi fermosas e vigorosas e un espaciado óptimo. Foi admirada e emulada por moitos entusiastas dos tipos góticos ao redor do mundo.