Tipografía nacida como parte do proxecto “Tipografías Urbano Populares Chilenas” que pretende rescatar das rúas de Chile aquelas letras pintadas manualmente e que abarcan todo tipo de carteis, rótulos e anuncios. Este tipo de carteis atópanse sobre todo en sectores cun nivel económico medio e baixo e están creados cunha finalidade informativa ou para anunciar un produto ou servizo determinado. A tipografía Estación, creada en marzo de 1999, está baseada na dun cartel atopado en 1998 nunha tenda situada na Avenida Vicuña Mackenna, onde se atopa a estación de Metro de Santiago de Chile. Posúe todos os caracteres necesarios para escribir nos idiomas máis comúns ademais de moitos outros símbolos convencionais como os matemáticos, moedas, abreviaturas, etc. Está dispoñible para descargar gratuitamente.


Creative Commons License
Esta obra está baixo unha licenza Recoñecemento 2.5 España de Creative Commons.
Páxina web creada por Oscar Otero (oom!)