Unha das tipografías máis populares do mundo. Foi deseñada por Max Miedinger baixo o encargo de Edouard Hoffmann, da Fundición Hass, que quería modernizar a tipografía Haas Grotesk. Esta, a súa vez, estaba baseada na Akzidenz Grotesk, da Fundición Berthold de finais do século XIX. O resultado foi a Neue Haas Grotesk. Durante os anos 1957 a 1961, a tipografía conservou o seu nome orixinal, pero ao facerse a Fundición Stempel cos dereitos dos deseños orixinais, esta cámbialle o nome a Helvética (adaptación de “Helvetia”, o nome latino de Suíza) e amplía a familia incluíndo unha serie completa de anchos e pesos. Nos seguintes anos, a familia da Helvética foi ampliada con distintos anchos, pero estes non estaban tan ben coordinados uns cos outros. Ata que en 1983, Linotype e a Fundición Stempel redeseñan a Neue Helvética proporcionando unha colección de anchos e pesos coherente e un deseño máis actual. A Helvética é unha tipografía cunha alta lexibilidade e eficacia en todo tipo de situacións e foi grazas a ela, pola que Max Miedinger pasou á historia da tipografía.

Ligazóns

• Xogo Helvetica vs. Arial
  www.mimeartist.com/helvetica/
  Xogo de loita en rede. Controla a Helvética e acaba co abecedario da Arial antes de que ela acabe co teu. (en)
• Como recoñecer a Arial?
  www.unostiposduros.com/paginas/arial1.html
  Principales diferencias entre a Helvetica e a Arial para podelas recoñecer fácilmente. (es)
• Xogo Arial ou Helvética?
  www.iliveonyourvisits.com/helvetica/
  Xogo onde hai que averiguar cal foi a tipografía empregada en cada texto: Arial ou Helvética. (en)
• Helvetica
  en.wikipedia.org/wiki/Helvetica
  Artigo sobre a tipografía Helvética na Wikipedia (en)
• Helvetica (a película)
  www.helveticafilm.com/
  Documental dirixido por Gary Hustwit onde repasa a historia desta tipografía con motivo do seu 50 aniversario. A pelicula fai unha exploración a través dos espazos urbans das maiores cidades do mundo onde habita esta tipografía, dialogando con recoñe (en)